ЕРБОЛАТ БЕДЕЛХАНДЫ TEDx ALMATY  СПИКЕРІ РЕТІНДЕ КӨРГІМІЗ КЕЛЕДІ 

Ерекшелік, тың бастама, жаңа жол, ізденіс әрдайым жетістікке жетелейді. Әсіресе, биіктен көрінуді мұрат еткен әрбір өнер адамы осындай қасиеттерге ие болуы керек және сондай бетбұрысқа батыл болуы керек. Мен Ninetyone.kz сайтының Blog айдарын пайдалана отырып, Ерболат мырзаға төмендегідей ұсыныстарымды жеткізгім келеді.  [ ?] Бұл жазбамдағы мақсатым елімізді әлемге танытуды көздеген Ерболат мырзаға су тамшысындай болсын өз үлесімді қосу, бұдан өзге артық ойым жоқ. Ендеше кеттік:

• Ninety one тобының келесі бейне клипін 3D форматында шығару;
• Ninety one тобының барлық клиптерінің VR форматын шығару; Бүгінгі күні смартфондарға арналған VR көзілдірік аса сұранысқа ие құрылғы.
• Ninety one тобының Ninety one space секілді видео жазбаларын 360 градустық видео форматта түсіру; Бұл өте оңай.
• Шағын альбомдарыңызға  Android пен IOS-қа арналған қосымшалар жасау;
• Қазақстанда латын жазбаға көшкен алғашқы компания атану; Барлық жарнама плакаттарыңызға, әлеуметтік желілердегі, бейне клиптегі жазбаларға латын жазуын қолдану; Келешекте дрома түсру жоспарда болса, онда кадрдегі әрбір жазбаларға латын жазуын қолдану;

Соңында айтарым, Ерболат мырзаны TEDx конференциясының спикерлері қатарынан көргім келеді. Әлемге танымал идеяларды таратуға арналған TEDx жиыны санаулы жылдар бұрын Қазақстанда да пайда болған еді. Осы аралықта Қазақстанның көптеген беделді азаматтары TEDx төрінде өз тәжірибелері, идеяларымен бөлісіп келді. Ендігі кезек Ерболат Беделхан мырзаға келді деп есептеймін. 

Ерболат мырза өз баяндамасында қазақ әндерін экспорттаудың заманауи жолдары жөнінде сөз тарқатып, қазақ шоу бизнесіне қажетті дүниелерді атап өтсе және заман талабына сай іс жүзінде патриот болдудың жолдарын түсіндіріп берсе деймін.

Асылхан Eagles